LOrd ou lo kao.
Gér ou pé.
Pov ou rish.
Tou blan ou tou nwar.
Lo pli for kont lo pli féb.
Intolérérans é injustis.
Mi vé la koulér su mon tablo.
Mi vé sérénité é éspwar.
Mi rév égalité é justis.
Mi vé travay pou viv pa viv pou travay.
Mi vé profit shak instan.
Pa trouv in instan pou profité.
Mi vé lo vré amour sat i alim in fé jwa.
Mi vé koz é éshanz sanm demoun pa in mashinn.
Mi vé in réalité pa in mond virtuel.
Mi vé rir pli souvan pa kashiét pou pléré.
Mi vé la pli i nouri la tér.
Mi vé pa tanpét i kass i briz...
Mi vé lo van i fé dans niaz dann sièl.
Mi vé soley i zoué sanm la pli lo kashiét.
Mi vé marmay i rir, i rév in ot demin.
Mi vé ranplas la doulér par la dousér.
Mi vé zidé an bouké i zérm dann koko.
Mi vé pa out zidé an pansé unik i impoz ali amwin kom sél alternativ.
Mi vé dessin in mond in resanm amwin....
